Pune hmeichhe naupangin limbo skating record a siam

Indian skater ten record an siam fo tawh a, a tharlam ber chu Pune hmeichhe naupang Manasvi Vishal record siam hi niin, limbo skating hniam thei ber record a siam a ni.
Limbo skating chu a phek thei ang bera skate-a tawlh tihna a ni mai a, an ke an kar full pawp a, an taksa lei si deuh thawin an bawk hniam thin. Manasvi hian meter 25 a thui chu centimeter 16.5 chauha lei si loin skate-in a tawlh thleng a, Guinness World Record a siam a ni.
Manasvi hian limbo skating hi kum thum leh a chanve mi vel a nih lai atangin a tuipui tawh a, chuta tang chuan world record siam turin an chhungten an buaipui zui ta a ni. Record hi kumin July thlaa a siam kha ni daih tawh mah se Guinness lam chuan a record siam thu hi tunkar tir khan an puang chauh a ni.