Neymar an zai dawn

Neymar an zai dawn
Montevideo khuaa 2026 World Cup qua-lifier khelh laia Brazil forward Neymar-a khup veilam hliam kha footballer-te’n hun rei tak an bawksawppui thin hliam buaipuiawm zet, anterior cruciate liga-ment and meniscus an tih mai ang chi kha a lo ni a, zai a ngai dawn tih nemngheh a ni.
Thawhlehni South American World Cup qulifying match pakhata Uruguay laka sihnih faia Brazil tlawm tumin thla hmasa maia Brazilian mipate zinga ram tana goal khung hnem ber Pele record khumtu Neymar hi hliam avangin first half-ah zawnchhuah a ni a, mittui nen khelmual a chhuahsan.
International duty laia Al-Hilal forward Ney-mar hliam hi endik a nih hnuah zai loha enkawl chi a nih loh thu dam-dawi lam thiamte’n an puang a, engtia rei nge a chawlh dawn tih la hriat mai theih loh mah se Asia khawmualpui huap club inelna lianah a inlan thei dawn lo niin a lang a, Mizo foot-baller-te’n Brazil star an hmachhawn theihna hun remchang a tawlh-bo dawn niin a lang!
Brazilian Football Confederation president Ednaldo Rodrigues chuan an star forward inhliam chungchangah thuchhuah siamin, “Bra-zilian leh khawvel foot-ball hian hriseltaka Neymar inlan theih hi a mamawh a, a damleh thuai a ngai, a chhan pawh khelmuala hmuh tur a awm hian football hi a hlim thin,” a ti.
Brazil all-time male top scorer hian kumin nipui thawt lai khan Paris St-Germain chhuah-sanin sum tamna Saudi Arabia a pan a, tunhnai kum engngemawti chhunga a buaina ngai hliam bawkin nasa zawkin a tlakbuak zui leh ta a ni.
Season liamta hnu-hnung pahnihah khan PSG tana a khelh laiin kheimit hliamin a tibuai fo a, thla hnih thum zet chu a lo chawl tawh bawk a; nikum Qatar rama World Cup-ah pawh khan Brazil bul-tanna game-a Serbia an tum tumin a inhliam a, game hnih dang a khel thei lo leh bawk.
2014 World Cup an thlen tum pawh khan khatih laia kum 22 mi lek Neymar khan quarter-final match-a Colombia an tum tumin Juan Zuniga nen an inthuatna lamah a a hnungzang ruh pakhat a lo titliak tawh bawk!
Kha game-ah khan Brazil chak zui tho mah se Neymar-a tan tour-nament a tawp zui a, semi-final lamah a thlengtu team kha Germany chuan 7-1 tehrengin an sawp zui a nih kha!