Harsatna siamtu lian ber chu Cancer natna

Ipsos Global Market Research Firm-in a zir chianna a\anga a thil hmuhte a puanzarnaah India ram khawpui-a cheng mihring pahnih zela pakhat chuan damloh thila inenkawlna \ha dawng thei dinhmun ah an awm tih a sawi.
Ipsos Global Health Services Monitor 2023 tarlan danin India khua leh tui za zela 53 te chuan damloh thila inenkawlna \ha nei turin an mamawh ang ang te an nei thei tiin khawvel puma mipui za zela 48 te chu hetiang dinhmunah an din thu a sawi ve thung a ni. Ipsos chuan khawvel ram hrang hrang 31 a\angin mi 23,274 hnen a\angin zir chianna hi an nei a.
Heta \anga an hmuh chhuahah chuan heng ram mipui – Singapore 71%, Switzerland 68% leh Malaysia 66% zel te chuan hriselna atana an mamawh an nei thei tih an tarlang a ni. Ram an zir chian zinga heng ram – Poland 14%, Hungary 15% leh Peru 16% te hi a hniam ram te an ni.
He zirchiannain a tarlan dan chuan India rama khawpuia cheng te zingah Cancer hi harsatna siamtu lian ber a ni tih an sawi a, India ram khawpuia cheng damlo za zela 59 chu cancer natna vei tih an hmu chhuak a, khawvel mihring damlo za zela 44 te chu rilru lam harsatna a nih thu an sawi bawk.
Ipsos Global Market zir chianna in India ram dinhmun a zirna a\anga a lan danin mi zawhna a zawhte a\anga za zela 71 te chuan damdawi lama enkawlna bungrua leh hmanrua hman kawngah intluktlanna a awm thu an sawi a, hei hi khawvel huap pawhin a san ber thu an sawi a ni.
India dawtah hian Malaysia, Spain leh Singapore te an awm ve thung a ni. Damlohna chungchanga inenkawlna leh mamawh lakna kawnga intluktlanna kawnga a hniam lamah chuan Hungary, Poland leh Chile ten a tawp lam an hauh ve thung a ni.