Canada sorkarin WeChat hman khap

Chinese owned app a changa ‘evrything app’ an tih hial WhatsApp, Facebook, Amazon leh tinder te awmkhawm vekna WeChat chu Canada chuan an sorkar devices-ah te dah a khap.
Western sorkarte chuan WeChat ah ngaihthatlohna an neih reng thu sawiin a bik takin he app hi spy tena an hman theih niin an ngai a ni.
WeChat hi khawvela app lar ber pawl niin China leh Southeast Asia ah te mai bakah Chinese diaspora tena an hman nasat em em a ni bawk a.
Canada hian sorkar device tinah hman a khap nghal bur a. WeChat kaltlangin sorkar information te inpekchhawn ni ngeia an ngaih thu Canada treasury Board president Anita Anand chuan a sawi bawk a.
“Cyber security lamah risk-basded approach kaltlangin heng application te hi sorkar mobile devices atanga paihbo tur a ni” tiin a sawi.
Hei bakah hian Canada chuan Russia-a inbun Kaspersky, cyber-security company te chu hrem bawkin users te chuan he apps hi an remove a ngai a, an download pawh khap a ni dawn bawk.
TikTok chu khawthlang ram te chuan security atana him lova an ngaih nasat a nih laiin WeChat chu hlauhawm zawk feah an ngai tawh a. North America-ah chuan TikTok ang em emin an ngaihven loh vang mai mai tiin an sawi.
WeChat hi kum 2020 khan khatih laia US President Donald Trump chuan khap a tum a, mahse dansakin a awm a ni.