P/S kal harsa zual 149-a duty turte kal

Mizorama MLA inthlanpui neih turah polling station 1276 a awm a, heng zinga 149 chu kalpawh harsa an nih avangin November 5 – Pathianni khan heng hmuna duty tur polling party-te chu an chhuak.
Election Commission of India remtihna in Mizorama polling station 149 chu P-2 (P minus 2) a puan niin, hengte hi kalpawh harsa deuh leh thlen nana hun duh reite an nih hlawm avangin inthlan hma ni hnihah duty-na tur pana polling party-te chhuah phalsak an ni.
P-2 polling station 149 hi district pali-a Assembly bial 9 a ni a. Heng zingah hian Lawngtlai district-a Assembly bial pathum chu a tel vek a ni.
P-2 polling station nilo P-1 polling station 1127-a duty tur polling party-te chuan vawiin – Thawhtanni hian an duty-na tur hmun an pan dawn a ni.

P-2 Polling Station neih dan:

District Bial P/S zat
Mamit Hachhek (ST) 9
Dampa (ST) 20
Mamit (ST) 10

Lunglei Thorang (ST) 6
West Tuipui (ST) 10

Lawngtlai Tuichawng (ST) 53
Lawngtlai West (ST) 32
Lawngtlai East (ST) 1
Siaha Palak (ST) 8
Total 149