Russia tana chanchin duhawm lo

Russia sipaite chuan Ukraine nena an inbeihna kal mekah nasa takin channa an tawk mek zel a, report-in a tarlan danin ni tin sipai 1,000 zel chan angin sawi a ni.
Newsweaek-in a sawi danin he information hi General Staff of the Armed Forces of Ukraine atanga lak niin anni hian indo tantirh atang tawhin mipui hnenah chanchin hriattirna hi a tam thei ang ber an pe chhuak thin a ni. He reports hi Russian sipsiten beihpui an thlak mekna hmun Ukraine khawchhak lam hmuna inbeihna zau zawk leh nasa zawk a thlen mekna hmun atanga buatsaih a ni a. Indona atanga hliam tuar an tam dan atangin inbeihna a nasa hle tih a hriat theih a, Ukraine sipaite hian nasa takin an lo dangin an bei let ve bawk a ni.
Ukraine sipai thi zat hi a hranpaa hriatchianna a awm loin tarlan pawh a har hle a, Russia sorkar pawhin hliam tuar zat chiah te a tarlang lem lo bawk avangin indonaa hliam tuar leh thi zat chiah hi hriat a har hle a. Amaherawh chu, khawthlang ram intelligence ten an chhut dan leh mimal anga chinchang lo thlirtute chuan Russia sipai te chuan an tuar nasa zawkin an inchan nasa zawk fe a ni tih an sawi a ni. He inbeihna hian khawvel ram hrang hrangte ngaihven a hlawh hle a hei hian inremna leh muanna thlen duhtu a ti tam chho tial tial a ni. Inbeihna hi a kal zel chuan helai ram vela chengte inlaichinna a ti derthawngin khawvel ram thleng pawhin inlaichinna tha lo tak a thlen tir thei dawn a ni.