Taylor Swift hla thar ‘Is It Over Now? (Taylor’s Version) [Front the Vault]’ chu Billboard Hot 100 (singles) chart No.1-ah a debut a, he chart-ah hian kar kalta khan ama hla tho ‘Cruel Summer’ a No.1 a, tunkarah amah leh amah No.1-ah a inthlak a, tun hi he chart No.1-ah a hla ve ve a inthlak vawi hnihna niin, hmeichhe zaithiam zingah hetiang tithei awm chhun a la ni.
‘Is It Over Now? (Taylor’s Version) [Fromt the Vault]’ hi a album hlui a record thar ‘1989 (Taylor’s Version) atanga a single a ni. Swift hian tunkar Hot 100 chart top 10-ah hla pariat a nei a, tihian Hot 100 chart top 10-a lang thei hla 49 a nei tling ta a, hmeichhe zaithiam zinga he chart top 10-a lang thei hla ngah ber niin, mipa lamah pawh top 10-a hla 69 nei tawh Drake chiah a pha lo.
Billboard Hot 100 (singles) chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
“Is It Over Now? (Taylor’s Version) [From the Vault]” hian kar khat chhungin US-ah stream maktaduai 32 leh download sales 5,000 a tlin thei a, radio airplay-ah pawh ngaithlatu maktaduai 4.7 a nei thei a, hei hi Hot 100 chart No.1-ah a debut pui ta a ni. Swift hian Hot 100 chart-a No.1 kai thei hla 11 a nei tling ta a, Whitney Houston nihrualin Hot 100 chart-a No.1 kai thei hla lamah pariatna an ni. Hot 100 chart-a No.1 kai thei hla ngah ber chu The Beatles niin, hla 20 an nei a, Mariah Carey (19), Rihanna (14), Drake (13), Michael Jackson (13), Madonna (12), The Supremes (12), Whitney Houston (11), Taylor Swift (11), Janet Jackson (10) leh Stevie Wonder (10) ten an dawt.
Taylor Swift hian record dang pawh a la siam a, kuminah he chart-ah hian album hrang hlir pathum atangin chart No.1 kai thei hla pakhat theuh a nei tawh a, hmeichhe zaithiam zingah kum khat chhunga album hrang pathum atanga Hot 100 chart No.1 kai thei hlan neih vek thei awm chhun a la ni a, hmeichhia chauh tih lohah chuan 1970-a Jackson 5 hnua hetiang ti leh theih hmasa ber a ni bawk.
Hot 100 top 10-a lang Taylor Swift hla ni lo Doja Cat ‘Paint the Town Red’ (No.4) leh SZA ‘Snooze’ (No.8) te niin, tun kar Hot 100 chart top 10-a lang te chu hmeichhe zaithiam vek an ni.
Taylor Swift hla Hot 100 chart top 10-a lang tawh te chu:
“Is It Over Now? (Taylor’s Version) [From the Vault]”
“Cruel Summer”
“Anti-Hero”
“All Too Well (Taylor’s Version)”
“Willow”
“Cardigan”
“Look What You Made Me Do”
“Bad Blood,” feat. Kendrick Lamar
“Blank Space”
“Shake It Off”
“We Are Never Ever Getting Back Together”
-- Advertisement --
Tunkar Hot 100 chart top 10-a Taylor Swift hla lang te chu:
No. 1: “Is It Over Now? (Taylor’s Version) [From the Vault]”
No. 2: “Now That We Don’t Talk (Taylor’s Version) [From the Vault]”
No. 3: “Slut! (Taylor’s Version) [From the Vault]”
No. 5: “Say Don’t Go (Taylor’s Version) [From the Vault]”
No. 6: “Cruel Summer”
No. 7: “Bad Blood (Taylor’s Version)”
No. 9: “Style (Taylor’s Version)”
No. 10: “Suburban Legends (Taylor’s Version) [From the Vault]”