Eirawng bawl rei record siam

Eirawng bawl rei record siam
|henkhat chuan darkar hnih khat eirawngbawl pawh kan ning hman viau zel a nia, Irish chef pakhat ve chuan chawl lovin darkar 160 chhung eirawng a bawl tehreng a, Guinness World Record, khawvela eirawng bawl rei ber record a siam a, khawvela chhang ur rei ber record a siam tel nghal bawk.
A hming chu Alan Fisher a ni a, Japan-ah restaurant a nei a, a hma hetiang record siamtu chu Nigerian chef Hilda Baci a ni a, ani hian darkar 119 leh minute 57 chhung eirawng a bawl a, chu chu ni nga chhung tawp tihna a nih chu. Mahse, he record hi Fisher hian darkar 24 chuangin a rawn khum ve leh ta a ni.
Record siam tura a chet chhuah hmain Fisher hi nikhat a chawl hmasa te te a, chutah darkar 47 leh minute 21 chhung chhang urin, chhang ur rei ber record a siam a (a hmaa hetiang record siamtu chu US mi Wendy Sandher niin, darkar 31 leh minute 16 chhung chhang a ur), eirawng bawl chhunzawm zelin, Hilda record pawh a rawn khum ta a ni.