BJK Cup champion Canada

Tunhma lama tennis-a ram leh ram inelna Fed Cup an tih thin kha Billie Jean King Cup Finals tiin an thlak a, Pathiannia final-ah Canada chuan Seville khawpuia an tumpui Italy lakah 2-0 hnehna an chang a, he trophy hawn thei ram 13-na chiah an ni.
Singles-ah kum 21 mi Leylah Fernandez chuan 6-2 6-3-a Jasmine Paolini hnehin, a hma final inkhel dangah WTA ranking-a 258-na luahtu tleirawl Marina Stakusic chuan top-50 player Martina Trevisan lakah 7-5 6-3 hnehna a lo chang tawh a, he result pahnih hmang hian Canda chuan a tumkhatna’n Billie Jean King Cup title an sualchhuak ve ta a ni.
Final pakhat zawka chak kum 18 mi Stakusic chuan Seville khaw hneh-na kha a career-a hnehna thaber a nih thu a sawi. US Open runner-up Fernandez kha Spain ram women’s team event-a Canada vultirtu pawimawh niin, semi-final pakhat zawka tum 11 zet cham-pion tawh Czech Republic an hnehna kawngah pawh a thawhhlawk.
World number 20 ni mek Fernandez hian In-rinni sngles match pa-khatah Wimbledon cham-pion leh world number eight ni bawk Marketa Vondrousova a hneh a, doubles lama a kawppui Gabriela Dabrowski nen hnehna an chang bawk.
Fernandez hian 2021 US Open final-ah amah ang bawka tleirawl Briton Emma Raducanu a hneh lo a, tunah ram tan trophy lian a hlawhchhuak ta a ni.
Champion manah Ca-nada chuan he tourna-ment prize money sem-chhuah tawha la tamber record US dollar 2.4m (£2.1m) an dawng a; kum khat liamta khan a vawi-khatna atan bawk Davis Cup-ah Canada hi an lo champion tawh bawk.