Indian football behchhana lo zin Arsene Wenger

Indian football behchhana lo zin Arsene Wenger
Thawhtanni khan Arsenal coach hlui Ar-sene Wenger chuan India leilung a rawn rap a, New Delhi-a Football House-ah AIFF Presi-dent Kalyan Chaubey leh Satyanarayan M, Acting SG, AIFF-te’n an lo dawngsawng.
Football coach ropui-te zinga chhiar tel Wenger hi Chief of Global Football Deve-lopment, FIFA niin, FIFA hnuaia football hmasawnna lam buai-puitu lawk ber a ni a, FIFA TDS Team nen India an rawn tlawh a ni.
Legendary football coach Arsene Wenger leh a team-te hian India leilungah AIFF-FIFA Academy an rawn hawng dawn a, youth development project hrang hrang din leh tihhmasawn kawngah sawihona hun an buatsaih bawk ang.
Ex-Arsenal boss Wenger hi tarlan tawh thin angin, north London club a chhuahsan hnu khan FIFA chuan Wen-ger hi ruaiin, khawvel pumhuapa football tih-hmasawnna peng pawi-mawh FIFA global foot-ball development prog-ramme an tihah hotuber a ni mek.
Naktuk, November ni 23 thleng hi India-ah a cham dawn a, Indian football-a youth deve-lopment lam buaipuitu hrang hrangte bakah ISL leh I-League club-te nen an inkawmho dawn a ni.
Wenger hi kum 1996 atanga 2018 thleng khan Arsenal manager niin, a hun lai khan Gunners chu Premier League title pathum leh FA Cup pasarih a lakpui hman a, game 49 chhung teh meuh tlawm nei loa team a khelh zawnpui thei kha sawihlawh kumkhua tawh tur a ni ang.
Chuti taka coach hlawhtling leh ngaih-san hlawh chu FIFA talent development scheme kaihruai tura rawih a ni mek a, he scheme-in a tumber chu khawvel puma FIFA member association-te’n annational team theuha inelna sang zawk an kalpui theih-na’na puih a ni.