China-in visa-free kalpui tan dawn

China chuan visa-free travel kalpui chhin tanin a tirah France, Germany, Italy, the Netherlands, Spain leh Malaysia khua leh tui te tan kum khat chhung a kalpui phawt dawn tiin foreign ministry thuchhuah chuan a tarlang.
December atanga 30 November 2024 thlengin heng ram passport nei te chuan China-ah zin emaw sumdawng emaw turin visa tel lovin ni 15 an cham thei ang a ti.
Hei hi China high-quality leh inhawnna tihsanna leh kalpui zelna a ni tiin foreign ministry thupuangtu Mao Ning chuan a sawi bawk a. Tun dinhmunah chuan khualzin ten China lut turin visa an mamawh a ni.
A hma pawhin Singapore leh Brunei khua leh tui te chu China-ah sumdawn, zin leh chhungte tlawha an kal a lo phalsak tawh a, mahse, ni 15 bak an cham a remti lo thung.
March thla khan China chuan visa chi tin a pechhuak leh tan chauh a. March 2020 khan coronavirus pandemic vangin khualzin khuah-khirhna khauh tak a kalpui a ni.
Kum thum chhung zet chu Covid hneh tumin China chuan khauh takin hma a la a, zin veivah khauh taka khapin lockdown turu leh rei tak tak bakah test nasa takin a kalpui a ni.
China zero-Covid policy chuan a economy a khawih na hle a, nikum December thla khan a hlip chauh a ni.