Juventus 1-1 Inter Milan

Serie A hmahruaitu nih inchuh inkhelah Pathianni zan khan goal khat ve ve thunin team pahnih hi Turin khuaah an inhnehtawk a; he result kan hmuh hnu hian khelh 13 ve veah In-ternazionale hian point 32 nen hma an hruai chhunzawm a, point hniha hniam Juve-in hmahruaitu ni tura an hun tha neih an bawhpelh.
Juventus tan minute 27-ah Dusan Vlahovic chuan Federico Chiesa ball pek atangin hma-hruaina goal a khung zet a; minute ruk a liam leh tihah Lautaro Martinez chuan Inter siphurh sutin, he goal hi Marcus Thuram-a chhawpsak a ni.
Inkhelh banah Inter manager Simone Inzaghi chuan Juve laka goal khung a khirh thin tih sawi chungin hmahruaitu zawk an nih laia Ju-ventus goal-ah thun chu a harsa lehzual ti a sawi a, chuti chungin a naute game-ah an insawrbing tlat a, siphurh sutna goal ropui an thun thei hram tih leh second half-ah chance tha an hmu lo tih a sawi.
Juve hian Zirtawp-niah Monza an luhkhung leh dawn a; chutih laiin Nilaini zan hian Inter Milan chuan Champions League group stage-ah Benfica khelmual an lut ang a, Pathianni zan Serie A match-ah mualneitu Napoli an su zui leh ang.