Central sorkar hnathawkte DA tipung dawn

Union Government chuan an hnathawk leh pensioner vaibelchhe khat chuang te dearness allowance (DA) chu four percentage point in tuna 38% ni mek chu 42% ah a tisang dawn.

Dearness allowance (DA) hnathawk leh pensioner te tana pek hi thlatina Laboyr Bureau tena Consumer Price Index for Industrial Workers (CPI-IW) behchhana an ruahman thin a ni a. Labour Bureau hi Labour Ministry hnuaia awm a ni.

All India Railwaymen Federation, General Secretary, Shiva Gopal Mishra chuan, “CPI-IW December 2022 chu January 31, 2023 ah release a ni a. Dearness Allowance tihsanna tur chu 4.23% a ni a. Sorkar chuan DA hi decimal point pela tihsan a duh lo thung a, DA hi four percentage point in 42% ah tihsan a ni ang” tiin a sawi.

Finance Ministry hnuaia expenditure department chuan DA tihsan dan tur hi formula samin chumi in revenue a nghawng dan tur te tichiangin ch chu Union Cbainet pawm tura chhawpchhuah a ni ang a ti bawk.
DA tihsan hi January 1, 2023 atanga hman tan tur a ni a. Tun dinhmunah vaibelchhe khat chuang central sorkar hnathawk leh pensioner te hian dearness allowance 38% an la ani.

DA revision hnuhnung ber chu September 28, 2022 khan neih niin khatah khan July 1, 2022 chu effective date a hman a ni a. Centre chuan DA hi four pencentage point in 38% ah June 2022 thleng khan All India Consumer Price Index 12 monthly average milin a tisang a ni.