Central sorkar chuan betting apps 138 leh loan lending apps Chinese link nei te chu a rang thei ang bera dan tur tiin thutlukna a siam.
Heng apps te hian Section 69 of the IT Act an bawhchhia tia sawiin an material te chu India sovereignty leh integrity tana pawi thei tiin an sawi.
-- Advertisement --
Heng apps te hi India mipui te sum chhuhsak nan leh vau nana hman thin niiin heng mite lak atang hian loan tam lo te te la in an thuhnuaiah an kun zui phah thin tia sawi a ni.
Heng apps te hi Chinese nationals te siam niin Indians te chhawr zaihin operation an neihnaah director ah te an ruat tiin sawi a ni a. Mi beidawng tak tak te chu loan la tura thlem niin chumi hnuah interest kum khatah 3,000% te laksak zui an ni an ti a. Leiba neitu tena an pe thei lo a nih chuan loan petu te chuan an vau zui chhunzawm ta thin tia sawi a ni bawk a. Message dukdak lo zet zet thawnin loan an pek that loh chuan an thlalak chei danglam te chu an contact te hnena pekah te an vau thin a ni.
Andra Pradesh leh telangana ah heng loan la tu mangang pe thei leh si lo te mahni an intihhlum hnuah thuneitute beng a thleng a. Telangana, Odisha leh Uttar Pradesh te chu heng sum puk tirtu te chetlakna nasatna hmun nia sawi a ni.
Union Home Ministry hnena thlen a nih hnuah MHA chuan Chinese loan lending apps 28 te chu an enfiahna lamah third-party link nei apps dang 94 lai an hmuchhuak a. Heng apps te hi smartphone a download mai theih niin mahse betting apps te leh games te erawh independent link emaw wessite kaltlanga download ngai a ni thung.
Ministry of Information and Broadcasting (MIB) chuan betting leh gambling te chu India ram hmun tin deuhthawah khap a nih thu sawiin hei vang hian heng thil te advertisment kalpui chu dan bawhchhiatna niin Consumer Protection Act 2019, Cable TV Network Regulation Act 1995 leh IT Rules, 2021 hmanga hrem theih an ni an ti bawk.