Mariah Carey ‘All I Want for Christmas Is You’ a lar ber

Mariah Carey Krismas hla chuai thei lo “All I Want for Christmas Is You” chu kar khat chhunga khawvel huapa hla lar ber niin, Billboard Global 200 chart-ah a No.1 a, he chart-ah hian kar kalta pawh khan a No.1 tawh a, kum hmasa lama he chart-a a lo No.1 tawh te nena belh khawm chuan kar 15 a No.1 tling ta a, Harry Styles hla ‘As It Was’ nen he chart-a No.1 ni ngun ber an ni ta a ni.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
‘All I Want for Christmas Is You’ hian kar khat chhungin stream maktaduai 101.7 leh download sales 9,000 a tling thei a, hei hi chart-ah a No.1 pui leh ta a ni.
Tunkar chart-ah hian Krismas hla top 10-ah a lang hnem leh ta tak tak hle a, Wham! ‘Last Christmas’ chu No.2-ah bawk awm lehin, Brenda Lee “Rockin’ Around the Christmas Tree’ chu No.4 atangin No.3 a kai a, Bobby Helms “Jingle Bell Rock” chu No.6 atangin No.4-ah a insawn a, Ariana Grande ‘Santa Tell Me’ chu No.8 atangin No.5-ah a insawn ve leh ta bawk.
Krismas hla dang, Michael Buble “It’s Beginning to Look a Lot Like Christmas: chu No.18 atangin No.7-ah a invawrh a, Kelly Clarkson “Underneath the Tree’ chu No.16 atangin No.8-ah a invawrh a, Andy Williams “It’s the Most Wonderful Time of the Year” chu No.15 atangin No.10-ah a invawrh ve leh ta bawk.

Billboard Global 200 Top 10:
1 All I Want For Christmas Is You – Mariah Carey
2 Last Christmas – Wham!
3 Rockin’ Around The Christmas Tree – Brenda Lee
4 Jingle Bell Rock – Bobby Helms
5 Santa Tell Me – Ariana Grande
6 Lovin On Me – Jack Harlow
7 It’s Beginning To Look A Lot Like Christmas – Michael Buble
8 Underneath The Tree – Kelly Clarkson
9 Greedy – Tate McRae
10 It’s The Most Wonderful Time Of The Year – Andy Williams