BCM-in charity programme hmang

Baptist Church of Mizoram Administrative Committee ruahmanna-in BCM Mual Serkawn Lungleiah Christmas Charity Programme hman a ni a. Sumtuakna dawr leh intihhlimna hrang hrang siam niin, zanah Charity Concert neih a ni. Item hrang hrang – mal zai, zaipawl, live band leh group zai, worship dance leh skit a awm a ni. He charity programme atanga sum hmuh hi Rs. 7,83,820 a ni.
Charity Christmas Programme-ah hian BCM Charity Fund thawhlawm tlingkhawm atangin TNT Lunglei, Bethel Centre, Christian Hospital Serkawn Poor Fund, Chhawmdawlna In, BCO leh Jehova Jireh Centre Hnahthialah te Krismas thilpek hlan a ni.
Lawngtlaiah pawh Charity Christmas kawngzawh neih a ni a. Areopagi-ah intawkkhawmin hetah hian a huhoin charity programme hman a ni. Programme hman lai hian thawhlawm bawm hun a ni a, hetah hian Rs. 30600 hmuh a ni.