College zirtirtute tan tehfung siam thar dawn – H&TE minister

College zirtirtute tehfung thar – faculty grading system siam a ni dawn tih Higher & Technical Education minister Dr Vanlalthlana chuan a sawi.
Ningania Aizawla Mizoram College Teachers’ Association (MCTA) general conference vawi 44-na a hmanpuinaah H&TE minister chuan college zirtirtute tehfung thar, faculty grading system sawrkarin kalpui a tum tih a sawi a. Hei hian zirtirtute tan a lak tir dawn bakah zirtirna kawngah nasa takin a pui thei dawn tih a sawi. College-a zirna in hma a sawn theih nan NAAC accreditation a pawimawh tih sawiin, college tin leh zirtirtute hmasawnna lam hawia tan la zel turin a fuih. Research leh research project a pawimawh thu leh hengte kalpui zel a, heng lama tan la turin college zirtirtute chu a fuih a ni.
Politics leh ram rawngbawlna lama a zinkawng, hmalakna leh hmachhawpte Dr Vanlalthlana hian a sawi a. Zirtirtu a nih anga Higher & Technical Education department a chan avanga a lawm leh phurna, education/ higher eduaction leh National Education Policy lama hmachhawp leh a pawimawhna sawiin, higher education-in system thar a mamawhna, infrastructure tih changtlung a tulna, state university din a pawimawhna leh hmalak an tum dan a sawi bawk.