Minister hoin RD hmalakna thlir

Rural Development minister Prof. Lalnilawma hoin Zirtawpni khan RD commissioner & secretary R Zarzosanga leh department hotute chuan hmalak mekna leh hmachhawp an thlir ho.
RD department hnuaia scheme hrang hrang enho a ni a. MGNREGS (ni 100 inhlawhna), PMAY-G (mirethei in sak tanpuina), PMKSY-WDC, BADP, SAGY, SAU, leh SIRD&PR hnuaia hmalakna leh hmachhawp chu powerpoint presentation hmanga sawifiah a ni.
Minister chuan corruption free sawrkar siam an tum thu sawiin, chumi atan chuan department official-te thawhho puiah a sawm a. Kuthnathawktute leh thingtlang miharsate dawmkan leh chawikan chu depatment thil tum ber a nih angin, theihtawp chhuaha hna an thawh a, tha tak leh dik taka budget an hman chuan ‘change’ an siam theih ngei a beisei tih a sawi.
A department chan pathum- RD, PHE leh Horticulture atangin convergence kalpui tan a nih tur thu te, tuihna humhalh leh tuihna tihpun lam uar zawka kalpui a nih tur thute a sawi bawk.