Chileans ten constitution thlak duh lo
Chileans te chuan Gen Augusto Pinochet sipai sorkar hun laia constitution chu thlaka a thara siam tumna chu an hnawl.
Constitution thar tur ruahman lawk hi right-wing delegates te council chuan an chawpchhuak a, nikum pawh khan left-wing tena ruahmanna an siam chu hnawlin a lo awm tawh tho bawk.
Referendum neih chu 56% vote in hnawl a ni a, a duh lam 44% an awm thung a. Pawm ni se chuan nautihtlak chungchang te, indigenous rights chungchangah te dan thar a awm dawn a ni.
Tuna Chile constitution hi Pinochet dictatorship lai 1980 a siam kha niin kum 2019 a\ang khan constitution thlak duhna a awm \an a ni.
Constitution thlak duh hi left-wing zirlaite an tam ber a, intluktlanlohna nasa leh cost of living sang lutuk siam danglam bakah social leh political reforms an ngiat a ni.
Hun rei tak constitution siam\ha ngiata lungawilohna lantir a nih hnuah khatih laia conservative president Sebastian Pinera chuan Chile constitution ziah \hat chu kalpui a remti ta a ni.
A draft hmasa ber chu elected member 155 ten ziakin rawtna an siamah Chile senate reform siam te bakah indigenous group te pawm rawt a ni a. Mahse, nikum September thla khan 62% vote laiin hnawlin a awm a ni.
A hnuah draft \hat leh niin chu erawh elected representative mi 51 ten an ziak \ha thung a, an zinga 23 lai chu right-wing Republican Party mi te an ni.
Left-wing lam tena an sawisel chu indigenous rights a humhim tawk lo tih a ni a, reprodutive rights ah khuahkhirhna siam a ni dawn an ti bawk a. Chumai bakah health, education leh pension kaihhnawihah private sector te tel theihna siam ni se an ti bawk.
Chilean President Gabriel Boric chu draft hmasa zawk thlawptu a ni a, a pahnihnaah erawh a neutral thu a sawi thung a ni.
Referendum result tihchhuah a nih hnuah Boric chuan, “Tunah chuan constitutional process chu khar a ni tawh a, engmah sawi buai theih a ni tawh lo,” a ti a.
“Kan ram chuan tuna kan constitution neih lai mek hi kan hmang chhunzawm ang a. |um hnih lai siam\hat duhna kalpui a nih hnuah kan lungrual thei chuang lo,” tiin a sawi.