North Korea in cruisse missile test leh

North Korea chua a tuipui khawchhak lamah cruise missile a kapchhuak leh teuh tiin South Korea military te chuan an sawi a.
Tun hnaiah nuclear-armed communist state chuan missile test chamchi hian hei hian regional tension a siam nasa hle a ni.
Pathiannia missile a test chu Sinpo port bul lawkah niin eng missile chi ber nge tih erawh hriat chian a la ni lo.
Nilaini kalta khan North Korea chuan strategic missile thar Pulhwasal-3-31 chu a lo test tawh bawk niin South Korea a Yonhap news agency chuan a sawi.
South Korea’s Joint Chiefs of Staff (JCS) chuan kan sipaite chuan United States sipai te nen North Korea inlulinna chu uluk takin kan thlithlai mek reng tiin a sawi a.
North Korean leader Kim Jong Un chuan tun hnaiah a policy na zawka kalpui a tum thu sawi chiangin hei vang hian vauna pawh a kalpuina hle a, South Korea nena inremna an lo siam tawh te a chhuchat vek bawk.
Pyongyang chuan tun hnaiah solid-fuelled missile te, underwater attack drone nuclear weapon keng tel theite pawh a lo test tawh bawk a.
Tun hnai kum hnih chhung chu zing tak maiin missile test in UN hrekna bawhchhiain weapons development lamah hma a la nasa hle a.
Tun thlatir lam pawh khan Kim Jong Un chuan South Korea nena re-unification chu a hnawl hmak tawh thu sawiin South Korea chu “principal enemy” tiin a puang zui bawk a. Hei vang hian North Korea chuan indo a inpuahchah tan em tia zawhna pawh a pian phah a ni.
South Korrean president Yoon Suk Yeol chuan North Korea in South a runluih zel chuan ‘a leta tamin kan chhang let ang’ tia sawiin South Korean military chuan theihna sang tak a nei tiin a sawi bawk.