Bawngkawn-Durtlang kawnga in sa leh sak tum ho notice pe
Aizawl Municipal Corporation chuan Bawngkawn – Durtlang kawng chhoa in sa leh sak tum mekte chu danin a phut ang an tih theih nan insawifiah turin a ti.
Thudawn danin, tuna insawifiah tura tih zingah hian chenna in bakah mipui tana tangkai tur thil tih tumte pawh an tel a. Municipal huamchina in sak kaihhnawih phal lohna, tih hian mipui tana tangkai tur atan khawih theihna a awm a, chutihrualin, he phalna vek pawh hi dan theihna a awm tel tho nia sawi a ni.
Thudawn danin, ‘notice’ pek hi mi 8 an ni a; mi 5 chu in sa pum tawh niin, an zinga pahnih hi nikum lama insawifiah tura tih tawh an ni. La sa pum lo, in/ sumdawnna tur hmun laih vanga insawifiah tura tih mi pathum an awm bawk.
Show cause notice pek zing ami, Lalramsanga, Bawngkawn chu in sak phal lohna hmun leh AMC atanga phalna nei loa sa a ni a, 2023 July 12 khan insawifiah tura tih tawh niin, a insawifiahna hi AMC chuan a pawm lo a ni. 2023 August 4 khan lehkha pe lehin, thiah a nih loh chhan tur sawifiah tura tihna a ni a, October 25 khan lehkha pek nawn leh a ni. Heng lehkha hi a chhan loh avangin AMC chuan Mizoram Municipalities Act tlawhchhanin thiahsak turin a ti a. Kumin March 29 hmaa thiah zawh tura tih a ni.
Insawifiah tura tih zing ami Sawilaia, Bawngkawn Shalom Veng, Lalramthanga, Bawngkawn leh Zohmingliani, Chanmari Veng chu an in sakna hmun hi Mizoram Municipalities Act-in sak phal lohna hmun a tih zing ami a nih avang leh he danin a sawi tlawhchhana thiah a nih loh chhan tur lehkha an hmuh atanga ni 15 chhunga insawifiah tura tihna lehkha a ni.
. Bawngkawnga awm Lalropuia leh Ramhlun South-a Lalremsiama te chu an in sakna hmun hi in sak phal lohna a ni, tiin, 2023 August 4 khan insawifiah tura tih an ni a, an insawifiah loh avangin dan anga hma lak zui a nih tur thu hriattir an ni.
Chaltlanga awm Hmingthanzuali leh Zotlanga awm H Zodinsangi te chu an lei laih mek chungchangah kawngpui ti bal lo tur leh tifai zel tura hriattir an ni a, lirthei leh mihring veivak tibuai lo tura tih an ni. Pakhat dang leh hi, in sakna tur a laih mekah in sak phalna a dilna drawing siamthaa thehlut tura tih a ni a, a la thehluh loh avangin lehkha a hmuh atanga ni 15 chhunga thehlut tura tih a ni.