India sorkarin X te account delete turin nawr

Microblogging site X chuan India sorkar chuan account thenkhat leh post thenkhatte paiha dang tura tia thupek an nih thu sawiin mahse Elon Musk kaihhruai X te chuan an pawm loh thu leh post te chu freedom of expression hnuaiah thleibik loh ni se an ti an ti bawk.
X a global government affairs team te chuan Centre executive order chu legal restriction a awm avangin an pholang thei lo an ti a, mahse ‘mipui nawlpui hmuh theiha pholan chu tihmakmawh’ nia an ngaih a nih thu an sawi bawk.
Nilaini zan zanlai khan X chuan thuchhuah siamin, “India sorkar chuan executive order tichhuakin chutah chuan X chu account leh post thenkhata hmala tura tih kan ni a, tihhlawhtlin loh chuan hremna lekkawh leh tan tir hial theih a ni” a ti a.
“Thupek angin chung account leh post te chu India ram bikah chauh kan la thla ang a. Mahse, sorkar hmalakna chu kan pawm miah lo freedom of expression chu heng post ah te pawh hian huam tir tur a ni” tiin X te chuan an sawi bawk.
“Indian sorkar thupek chu kan khing let nghal mek bawk a. Sorkar thupek avanga user te a nghawng te chu kan policy angin kan hrilh hre bawk a. Legal restriction a awm avangin executive order chu kan tichhuak thei lo thung a, tihchhuah ngei theih ni se kan duh a ni. Hetianga thup a awm hian inrintawnna leh thutlukna siam kawngah hleih neihna a thlen thei” tiin X post chuan a tarlang bawk.
Sorkarin account leh post delete tura a tih te hi loneitute kawngzawh kaihhnawih vek nia sawi a ni.