Alexei Navalny ruang a nu hnenah hlan remti

Russian opposition figure Alexei Navalny ruang chu Russia thuneitute chuan a nu hnenah an hlan tawh niin Navalny thupuangtu chuan a sawi.
Navalny ruang vuina kalpui a ni zui ang tiin a sawi a. Navalny nu chuan a fapa ruang chu ‘a ruka’ vui a remtih hnuah pek a ni tih a ni a, remti lo se chuan a fapa ruang chu prison colony ah an vui dawn avangin a ruka vui remtihna a pe tia sawi a ni bawk.
A fapa thihna lung in bul lawka khuaa karkhat chuang a chamchilh tawh a, a fapa ruang chu a vui thieh nan pe tura ngenna siamin a ngiat a ni.
Death certificate-ah ‘natural causes’ avanga thi tia hming ziah hnan tir a nih hnu darkar thumah a fapa ruang chu ‘a ruka’ vui a intiam hnuah hlan a ni ta a ni.
A ruka vui remtihna pe lo se chuan a fapa ruang chu a thihna lung in chhungah phum mai tur a nih avangin remtihna pe lo thei lova siam a ni tia sawi a ni a.
Mahse engtiangin nge ruang vui dan tur kalpui dan tur chu a la chiang chuang lo va. “Alexei-an a phu ang ngei leh chhungkua in duh dan anga vuina kalpui dan turah thuneitute an inrawlh zui dawn em kan hre lo” tiin Navalny thupuangtu Yarmysh chuan a sawi.
Kar kalta Inrinni khan Alexei nupui Yulia Navalnya chuan Vladimir Putin chu a pasal ruang ‘mitang’ anga kawlah puhin, “Ka pasal ruang min pe rawh” a ti a.
“A dam laiin i sawisa a, a thih hnuah pawh i la sawisa chhunzawm zel a. A thih hnuah pawh i la nuihsawh a ni,” tiin a sawi.