Argentine president khauh zual zel

Argentina libertarian President Javier Milei chuan parliament a policy chungchang a sawina hmasa berah economic reform package a siam chu legislator ten an thlawp emaw thlawp lo emaw a kaltlangpui tur thu a sawi.
“He ram that nan hian kan thlak danglam dawn a ni, political leader ten min thlawp emaw thlawp lo emaw executive legal resources hmangin kan kalpui tho dawn” tiin Milei chuan a sawi a. Lawmaker te chuan a project te chu kalpui theih lohin an siam mek thung a.
“Buaina in zawng a nih chuan, buaina in tawk ang” tiin a sawi bawk. Milei chuan ni 82 a sorkarin hna a thawh sawiin peso hlutna chu 50% in a tihhniam tawh thu leh fuel leh transport a state subsidy chu tihniamin, public service job sing chuang a tihtawp thu leh economy siamtht nan rules za tel a hnawl tawh tiin a sawi bawk a.
“Dawhtheihna leh min rinnna nghah ka ngen che u a ni,” tiin Milei chuan sawiin, “Economic reorganization leh reform kan kalpui mek rahtha chhuah theh nan hian hun eng emaw chen a ngai dawn” tiin a sawi bawk.
A reform kalpui tum tam tak te chu court ah khinin a awm mek a, labour union, business chamber leh NGOs ten lawsuit 60 chuang an thehlut tawh bawk a, Milei ruahmana siam chuan a tirethei zawk dawn tia ngaiin Argentina khua leh tui tam tak te chuan duhlohna an lantir tawh bawk.
“Chhiatna kan chhawm tam tak nghawng kan la hmu vek lo zawk a, mahse kawng dik kan zawhin kan hria a, a chhan chu kan history a a tumkhat nan chung harsatna thlentu fiscal deficit te chu a symptom ni lovin kan bei chat a ni,” tiin Milei chuan a sawi.
Tun hnaiah Milei chuan provincial governor huhang nei deuh te, party leader leh President hlui te chu ‘new social contract’ a tih chu principles sawm a ruahman hmanga siam turin a ngen a, chung zingah chuan ‘non-negotiable’ balanced budget, ‘inviolqable’ private property leh public spending chu 25% of GDP a tihhniam te a tel.
Tun hnaiah Milei chuan a reform kalpui tumna lamah articles 644 a nuaibo tawh a, chumai bakah parliament in Bill te an pawm lo a nih chuan Presidential decree hmangin reform chu kalpui luih a tum tho thu a sawi.
Argentina hian sum enkawl lamah mumallohna thuk tak kum tam a neih tawh avangin economy in harsatna turu zet a tawk mek a, inflation 60% vel lai niin harsatna namen lo a tawk mek a ni.
Milei hi kum 53 chauha upa niin political outsider nikum inthlana Argentina in sum harsatna namen lo a tawh kara siam that intiam avanga president atana thlan tlin a ni.
Milei a ruahmanna siam chuan rah tha a chhuah der tawh tiin sorkar chuan sawiin January thla khan Argentina chuan kum 12 chhunga a tum khat nan budget surplus a nei a, foreign currency reserves pawh $21 billion atangin $27 billion-ah a tipung an ti bawk.
Mahse annual inflation chu a la sang em em a, chu chu mirethei ten an tuar nasa em em bawk a, Milei chuan transport leh energy subsidy pawh titawpin soup kitchens 38,000 chuang khawih chet theih lohin a sah bawk.
Milei chuan Argentina chuan economy chhanchhuah nan harsatna a tawh hmasak a ngai a ti a, mipuite pawh dawhthei riha nghak hram hram turin a ngen bawk.