MISA-in a thlawp

Mizoram Independent School Association (MISA) chuan HSLC exam-a zawhna chungchanga thil fel lo awma sawrkar hmalakna an thlawp tih an sawi.
MISA thuchhuak chuan, MBSE hnuaia HSLC Examination 2024-a Social Science subject question chungchanga thil fel lo awm chu pawi a tiin, thil diklo titute chunga dan ang taka MBSE leh sawrkar hmalakna a thlawp a, tun chinah chuan hetiang thil fel lo tak hi thleng nawn tawh lo se a tih thu leh he thil thleng hian zirlaite rilruah nghawng tha lo tak a neih theih avangin pawi an tih thu a sawi a ni.
‘MBSE hnuaia HSLC/ HSSLC question setting system hi tun aia felfai leh rintlak zawka kalpui a nih theihnan ruahmanna tha zawk siama hma la turin MBSE kan duh a ni,’ a ti.