Ramri hung leh FMR thiah tum duh lohna lantir dawn

India sawrkarin Burma nena inrina hung a tum leh Free Movement Regime (FMR) thiah a tum chu duh loin May 16 khian Burma ramri hnaih lamah ‘peaceful rally’ neih a tum.
ZORO thuchhuak chuan, India sawrkarin India leh Burma inrina hung a tum leh FMR thiah a tum chu unau thlahkhat min thenhran a tumna leh Zofate min nekchep a tumna niah ngaiin, tha lo a ti a, a duh lo hle tih a sawi. India leh Burma ramri hung tum a duh loh zia lantirnan leh FMR thiah tum a duh loh zia lantir nan Burma border-ah May 16 hian peaceful rally neih tum a ni, tiin, Mizoram mipui leh Burma ram chhunga Zofate a tam thei ang ber tel turin a sawm.
ZORO chuan 2024 April 2-a Gaza air strike-a nunna chan Lalzawmi Frankcon d/o Paul Frankcon chu a ui hle tih sawin, a kalsan tak a chhungte a tawrhpui takzet tih a sawi a ni.