BJP-in chhiatna tawkte hlan

Cyclone siper avanga thli leh ruah thawkin chhiatna a thlenna Melthum chu Thawhlehni khan BJP State president Vanlalhmuaka chuan khawtlang puihna sumfai leh thilpek dang a hlan.
BJP Mizoram State thuchhuah danin, Melthuma chhiatna thlenna hmun hi BJP Mizoram president hian tlawhin chhiat tawhna hmuna hnatlangten a tul anga an hman turin sumfai leh silpoulin bundle khat chu Central YMA president Lalhmachhuana hnenah a hlan a, chhiat tawkte hi a tawrhpui takzet thu sawiin, khuarel chhiatna kan tawh chang leh harsatna kan tawh changa Mizo tlawmngaihna ropui tak lang thin chu a lawmawmin a chhuanawm a tih thu a sawi a ni.
‘Cyclone siper vanga Mizoram hmun hrang hranga chhiatna thleng chu pawi kan tiin, nunna hlutak chante leh chenna in chan tam tak an awm chu pawi kan ti a, khuarel chhiatna avanga harsatna hrang hrang tuarte chu kan tawrhpui a ni,’ thuchhuah chuan a ti.