ZPM Thalaiin pawi an ti

Remal Cyclone vanga nunna chân leh harsatna tawk chhungkuate an tawrhpuiin pawi an tih pui tih ZPM Thalai chuan an sawi.
ZPM Thalai Hqrs. thuchhuak chuan, May 27 atanga Cyclone Remal thawkin a kentel, thli tleh leh ruah nasa tak a sur avanga Mizoram hmun hrang hranga chhiatna a thleng chu pawi a tiin, nunna chân chhungkuate leh harsatna tawk hmun hrang hrang amite an tawrhpui a, pawi an ti takzet tih a sawi.
Khuarel chhiatna avanga hrasatna tawkte chhawmdawl tura sum leh pai bakah tha leh zung senga theihtawp chhuaha thawktute chungah an lawm hle tih a sawi bawk.
‘Harsatna tawkte chhawmdawlna tura Mizoram sawrkarin cheng vaibelchhe 15 a ruahman bakah nunna chante ex-gratia cheng nuai 4 pek tura ruahmanna a siam nghal hi thlamuanthlak kan ti a. Khua leh tuite tana thlamuanpui awm tak chief minister kan nei hi lawmawm kan ti hle,’ thuchhuah chuan a ti.