Officer-ten zirlai chawimawi

Lunglei Officers’ Club (LOC) chuan Lunglei district atanga kumin HSSLC result chhuak-a Science stream top 10-a langpha zirlai pahnih chu Nilaini khan an chawimawi.
Zirlai chawimawi, Fakzuala Chawngthu s/o C Lalduhawma hi 4-na niin Biology subject-ah mark a hmu sang ber a. Thomas VL Awmpuia Kompa s/o Dr Vanlalhmuna Kompa hi 10-na a ni. An pahnih hian St. Paul’s Higher Secondary School-a kal ve ve an ni.
District bawrhsap leh LOC founding president Ramdinliani chuan, 2023 December-a din LOC thil tum tam tak zinga pakhat chu high school leh higher secondary school zirlaite cho phur nana HSLC leh HSSLC Examination top 10-a inhlang phate lawmpui leh chawimawi a ni tih a sawi a. An thil tum tih hlawhtlin nana zirlai pahnih chawimawi tur an nei chu an lawm tih a sawi a ni.
Chawimawina thuziak leh lawmpuina sumfai Rs. 5000 ve ve hlan an ni.