Tharoor an LoP atan Rahul Gandhi rawt

Senior Congress leader Shashi Tharoor chuan Rahul Gandhi chu Lok Sabha inthlanah ‘man of the match’ tia sawiin house ah leader of Opposition a ni tur a ni a ti.
A zawn zata Lok Sabha inthlana tum li chakna a chan hnuah Tharoor chuan inthlanin a sawi chian em em chu voters ten BJP te invaivung leh an duh dan ang anga thil kalpui an tumna chu an phutawk hremna an pe a ni a ti bawk a.
“Modi leh Shah te hian sorkar enkawlna kawngah midang an rawn ngai vak lo va, tunah chuan an kalzel dan turah an theihna enchhinin a awm dawn a, sorkar chhungah pawh midang zaizap deuhin an awm a ngai dawn a ni” tiin Tharoor chuan a sawi bawk.
Union Minister hlui chuan tunah chuan Modi kaihhruai NDA sorkar chu issue thenkhatah chuan ‘engmah tithei lo sorkar’ a ni tawh ang a ti bawk a, a chhan chu NDA a tel ten an pawm tlan vek ngai a ni tawh dawn a ti.
“NDA a tel party pakhat chuan Agniveer scheme an sawisel nghal pang a, ennawn ni se an ti a, chu chu Chiraq Paswan party ten an thlawp nghal bawk. Andra Pradesh leh Bihar a hruaitu pahnih te hi an State tan special category status ngiattu leh BJP tena an pek duh loh an ni a, an ennawn leh a ngai ang” a ti bawk.
Tharoor chuan Modi sokar chu natak sawiselin tun hnai kum 10 chhungin Parliament chu notice board ang lekah an ngai a ti a, an thutlukna siam apiang pawm puk puk turah an dah a, tunah erawh Oppsoition MP 230 chuang awm tawhin a ngaihnawm tawh ang a ti bawk.
Lok Sabha-a Leader of Opposition aan Rahul Gandhi ni se tiin Tharoor chuan Congress president hlui chu tun Lok Sabha inthlanah ‘star’ a ni tiin a sawi a.
“Rahul leh Congress president Kharge ten ram pumah rim takin an campaign a, mahse, Kharge chu Rajya Sabha-ah awmin Opposition a kaihruai a, chuvang chuan Lok Sabha-ah Rahul Gandhi an Leader of Opposition dinhmun a chelh a ngai a. Chiang takin mipui hriatah ka ngaihdan ka sawi a ni” tiin Tharoor chuan a sawi bawk a.
“Tunah chuan sorkar khalh tur pawhin member kan tam tawh a, Leader of Oppsoition tur chu party a lar ber a ni tur a ni” tiin Gandhi chungchang a sawi bawk.
Cricket analogy hmangin Tharoor chuan Gandhi chu inthlanah ‘man of the match sawi buai theihloh a ni a’ tia sawiin Congress ten park pawna ball an vuak chhuah tam bera inhnamhnawih a ni a ti bawk.
Kerala-ah Tharoor chuan Union Minister Rajeev Chandrasekhar chu vote 16,077 in a hneh a ni. An inhnehtawkna chhan sawiin tharoro chuan CPI candidate Pannyan Raveendran an vote tam tak a hui ve vang a ti bawk a.
Kum 2024 inthlan chuan chiang takin Indian voters te chaun democracy chu pawngsual mai mai an remtihloh ziaan pholang a ni a ti a. “Demonetisation a tang tawhin cabinet pawh rawn lovin leh hraittirlohin kalpui a ni a, hriattirlawkna reilote chauh pe in lockdown turu tak kalpui a ni a, state chief minister te takngial pawh rawn an ni lo. Khang thil zawng zawng te kha ngaihtuah chuan kan democracy tichhiaa a autocratic rorelna a siam tumna a ni” tiin Tharoor chuan a sawi bawk.
Tunah chuan coalition sorkar a awm tawh avangin prime minister chuan a alliance partner te chu thutlukna liantham a siam dawnin a rawn a ngai tawh dawn a, a kal dan ngai anga a tihbur bur chuan a sorkar a tlu mai dawn a ni a ti bawk.