Vawk lakluh khap

Serchhip district khaw pali – Chhingchhip, Khumtung, N Vanlaiphai leh Keitum chu vawk hri – ASF lenna, infected area-a puan a ni tak avangin district magistrate chuan dan tlawhchhanin heng khua atanga vawk leh vawksa lakchhuah a khap a, vawk talh leh a sa zawrh pawh a khap. Serchhip district chhungah ram dang (foreign) atangin vawk, vawksa leh vawksa atanga siam eitur lakluh a khap a. Serchhip district-a khua leh khuaa vawk inlakpawh a khap bawk. Thupek hi chhuah a nih atanga thla hnih chhung a huam anga, thupek zawm lo chu Section 188 IPC hmanga hrem theih an ni tih a sawi.