Varanasi airport terminal thar remti

Union Cabinet chuan Varanasi a Lal Bahadur Shastri international Airport a passenger terminal thar sakna tur leh a kaihhnawiha runway leh apron tihzauhna tura ruahmanna a pawm.
Passenger terminal thar hi Rs 2,869 crore senga sak tur niin chu chuan airport-in passenger a neih theih chu nasa taka tipung dawnin tuna 39 lakh passenger kum khata a dawn theih atangin 99 lakh-ah a tisang dawn a, a awh zau zawng tur hi 75,000 sq.m a ni dawn a ni. Terminal thar design chu he khua heritage city a nihna phochhuak thei ang bera ruahman a ni dawn bawk.
Runway pawh tih len tur niin aircraft 20 dah belh theihna tura ruahman a ni bawk a. Sorkarin thuchhuah a siamah Varanasi airport chu green facility nei tur a ti bawk a. Chumi tur chuan energy optimisation, waste recycling, solonar energy utilisation leh thil tul leh pawimawh dang te kalpui a ni ang.