Putin-a’n Kim Jong Un Russian limousine a pe

Kum 24 chhunga a vawi khat nan Russian President Vladimir Putin chuan ram pahnih inlaichinna tha zawk a awm theih nan leh dictator Kim Jong Un nena an inkungkaihna a ngheh lehzual theih nan tiin North Korea a tlawh a, an inthianthatna tihlan nan Putin hian Kim hi Russia kutchhuak limousine Aurus Senat a pe. He car sei chi hi test drive te pawh an nei dun a, an thlalak pawh social media lamah a darh chak khawp mai.
Russian state TV-in Putin-a’n armored Aurus dum a khalh lai video an tichhuak a, hei hi a official presidential car a ni a, Kum Jong Un pawh passenger seat a thu vung mai a ni. Putin hian kumin February thla khan Kim hi Aurus limousine pakhat a lo pe tawh bawk a, tunah chuan Kim Jong Un hian Aurus limousine pahnih a nei dawn ta a ni.
Aurus hi chi thum- Standard Senat, Senat Long leh Senat Limousine a awm a, fully armoured niin, hybrid 4.4-litre twin-turbo V8 engine neiin, 598 bhp leh 880 Nm torque pechhuak thei a ni.
Putin-a’n Kim a pek car hi a feature kimchang puan a ni lo a, mahse, ram hrang hrang hruaitu te leh amah Putin ngei pawhin a hman te nena inang, armoured car a nih ngei a rinawm. Aurus hian ADAS, emergency braking system, emergency call support, 8 mode back LED lighting, wireless pone charger, Wi-Fi tih velte pawh a nei nghal vek a ni.
Aurus Motors hian an car te hi 2021 atang khan Russia-a Tatarstan region-ah an siam chhuak tan a, thla kalta khan Rissian senior official cuan Aurus car te hi St. Petersburg-a Toyota-in factory atana an hman thinah pawh kumin atang hian an siam tawh dawn tih a puang bawk.