ZPM thalaiin Health minister chhuang

Hriselna lama inenkawlna kawngah ziaawm lam kan pan zel avangin Health minister an chhuang tih ZPM Thalai chuan an sawi.
ZPM Thalai Hqrs. thuchhuak chuan, Mizoramah hriselna kawnga inenkawlna in hma a sawn theihna tura hma latu Health minister Pi Lalrinpuii kan nei chu thlamuanthlâk a tiin, hriselna lama inenkawlna kawngah state dang awt reng renga kan awm thin chu kalphung thar, mipui sawrkar hnuaiah a ziaawm zel an beisei tih a sawi.
State chhunga hriselna inenkawlna kawngah thawktute thiamna a taka cho chhuak tur chuan hmanrua leh khawl tha neih a ngai tih sawiin, ‘Hetiang kawnga thiamna leh hmanraw thuam chak hi ZPM policy-in a ngaihpawimawh a ni a, a tihlawhtling turin sawrkarin ke a pen mek a ni. Thlamuang leh hrisel zawka mipui kan awm theih nan thawktute thiamna leh Health minister inpekna Pathianin mal sawm zel se tih hi kan tawngtaina a ni,’ a ti.