Satsang vanga nunna chan 121 tling

July 2 a Northern India a sakhuana thila punkhawmnaah inpawngnek avanga nunna chan mi 121 an tling tawh niin official te chuan an sawi.
He thil thlenna hmun hi Hathras district, Uttar Pradesh state a ni a. Regligious leader Narayan Sarkar chuan ‘satsang’ (prayer meeting) huaihawtin mi tamtak an pungkhawm a ni.
Police te chuan satsang a pungkhawm tura remtihna pek let thum mipui an pungkhawm tia sawiin nunna chan te hi hmeichhia an tam ber bawk a. He event huaihawttute lakah thubuai siam a ni bawk.
Inpawngchilna thlenna hmun hi Pulrai village ah niin self-style godman Bhole Baba an prayer meeting a kohna hmun a ni a. Officials te chuan mipui pungkhawm remtih aia tam daih an awm tiin an sawi a.
Thuneitute chuan mi 80,000 punkhawm phalna an pekah mi 250,000 chuang an pungkhawm tiin an sawi a. Bhole Baba an punkhawmna hmun a car hmanga a chhuahsan dawnah inpawngnekna hi a thleng ta a ni.
Police te chuan a car in a chhuahdan dawnin amah zuitu tam tak te chuan a vehicle umin a dinna hnuaia vaivut te chu lak tumin an inchuh vang a ni a. Mi tam tak lo thu sa te chu an chil ta a ni tiin an sawi.
Police te chuan mi tam tak chu kawngpui pan tumin an tlan chu organiser ten lo dangin hei vang hian inpawngchilna a nasat zualphah tiin an sawi bawk.
Uttar Pradesh Chief Minister Yogi Adityanath chuan organiser te chuan organiser te chuan sulhnu chhuimam an tum tia sawiin hetiang thil hi a thleng leh tawh lovang a, SOPs (standard operating protocols) siam a ni tawh ang a ti.
Chief Minister chuan high-level judicial committee retired High Court judge kaihhruai a din nghal a, uluk taka chhuichian a ni zui nghal dawn a ni.
“He inpawngchilna hi tihpalh thila thleng a ni lo. Accident a nih loh chuan tute emaw phiarrukna thil a ni em? retired High Court judge kaihhruaina hnuaiah judicial inquiry kan nei ang” tiin Yogi chuan a sawi.
Yogi Adityanath chuan mipui tam tak te godman Bhole Baba ke khawih tum leh a prayer meeting na hmun chhuahsan tumte inpawhna nasa tak karah inpawngnekna chu a thleng tiin a sawi a.
“Mita hmutute ka bia a, satsang laiin hmeichhia ten godman ke khawih an duh a, mi tam takin an pankhawm laiin Bhole Bala security te chuan an lo dang bawk si a ni an ti” tiin a sawi bawk.
Nunna chan zingah hian naupang te pawh telin Hathras a pungkhawm te hi 2.5 lakh chuang nia sawi a ni a. Nunna chan zingah Haryana, Rajasthan leh Madhya Pradesh mi te pawh an tel bawk.
Local government leh police offficials te lakah pawh zawhna siam niin chutiang khawpa rally liantham ni si ah safety measure siam a ni lo chu sawisel an tawhphah nasa hle a.
Police te chuan Baba Bhole thuihhruai hnai Suraj Pal Singh leh event organiser te lakah thubuai an ziaklut a, FIR ah erawh godman Baba Bhole erawh hmer lan a ni lo thung.

Tu nge Bhole Baba?
Self-style godman hming diktak chu Suraj Pal niin a hnuah a hming thlakah Narayan Sakar Vishwa Hari a inti a. Amah zuitute chuan bhole Baba an ti thung.
Hathras atanga 65km vela hla Kasganj district a Bahadurpur village chhuak a ni.
Police constable ni thin a ni a, mahse, a service laiin criminal case a neih hnuah suspend a ni a. Mahse, court in thiam a chantir hnuah police zawmtir leh niin kum 2002 khan a bang zui ta a ni.
Police atanga a ban hnuah Bhole Baba a inti tan a, social media a khawih lo chungin Hathras leh a velah chuan zuitu a ngah hle thung a. Kawr var lam ha tlangpuiin a sermon ngaithla mi an tam thei hle.