Harhna Inkhawmpui nei mek

August 2-4 chhung hian Mizoram Presbyterian Kohhran chuan Saron Veng Presbyterian Kohhran biak inah Harhna Inkhawmpui vawi 10-na a buatsaih a. inkhawmpui thupuiah “Nunna chu thlang rawh u” tih hman a ni.
Zirtawpni zan khan inlawmna inkhawm neih a ni a, Synod moderator Rev. R. Vanlalnghaka’n thuchah a sawi. Vawiin – Inrinni nileng leh Pathianni nilengin Harhna Inkhawmpui hi neih chhunzawm a ni anga, Synod revival speaker-ten inkhawmpui thupui an sawi ang. Inkhawm bakah revival speaker-te kaihhruaiin lenkhawm thin a ni bawk ang.
Pathianni zan inkhawmah Synod senior executive secretary Rev C Zorammawia’n thu a sawi dawn a. Inkhawm apiangin kohhran zaipawl hrang hrang an zai thin dawn a ni.
Harhna Inkhawmpui hi tun hma chuan ‘Revival Meet’ tia hman thin a ni a. Synod revival speaker leh counsellor-te intuaitharna hun atan hman a ni. Tunah hian Synod Revival hnuaiah revival speaker 70 (mipa 68 leh hmeichhia 2) an awm a ni.