Organ donation pawimawhna zir
August 3 – Indian Organ Donation Day 2024 denchhenin DDM-R Aizawl, NABARD Mizoram Regional Office chuan midang tana taksa peng hlan ‘organ donation’ pawimawh zia inzirtirna Zirtawpni khan Aizawlah a buatsaih a. ‘Angdaan Jan Jagrukta Abhiyaan /Taksa Peng Pe la Nun Chhanhim Rawh’ tih thupuiah hman a ni.
Hmanpuitu Health & Family Welfare department-a Hospital and Medical Education joint director Dr Lalchhanhimi chuan nunna chhanhimna kawnga taksa peng pek a pawimawh zia a sawifiah a. Damlo taksa peng thlak mamawhten an mamawh an dawn theih nan hemi kawnga mipui zirtir leh chiang zawka organ donation hmelhriattir a tul tih a sawi a ni.