Kuminah Synod Counselling Centre pantu 3752 awm tawh

Mizoram Synod hnuaia Family Guidance & Counselling Centre (FG&CC) chuan kuminah pantu 3752 a nei tawh.
August 19 atanga neih Pastoral Care & Counselling Training vawi 39-na neih mekah hian resource person Rev Lalsangbera’n a kaihruai a, senior executive secretary Rev C Zorammawia’n a hawng. Training hi August 26 zanah khar a ni ang.
Synod hian counselling centre 9 – Mission Veng, Bawngkawn, Vaivakawn, Champhai, Serchhip, Kolasib, Lunglei, Mamit leh Khawzawlah a nei a. Heng counselling centre 9-ah hian an din tirh atanga kumin July 31 thlenga pantu (client) an neih tawh zat chu 76541 niin, kumin bikah mi 3752 an nei tawh.