Defence Minister Singh US-ah zin dawn
Defence Minister Rajnath Singh chuan August 23 atanga 26 chhungin US a tlawh dawn a. India leh US tena highend defence deals thahnem tak siam an tum hmawrbawkna kalpui mek lai a ni bawk.
Hetih lai hian India chuan issue hrang hrangah buaina a neih mek lai niin Prime Minister Modi chuan Russia a tlawh leh Pannun episode awm lai a ni bawk a. Chutih laiin Defence Ministry tan chuan indigenous Light Combat Aircraft (LCA)-Mk1A, Hindustaan Aeronautics Limited (HAL) tena an siam Indian Air Force (IAF) te hnena pek turah General Electric (GE) tena F404 engines an siam pek tihkhawtlai mek lai a ni bawk.
“India-US inlaichinna tha chho mek leh kawng hrang hranga defence engagement awm lai a ni a. US tlawhna hian India-US in comprehensive global strategic partnership a thuk zawk leh zauzawka an hmalak zel dan tur a tinghet dawn a ni” tiin Defence Ministry thuchhuah chuan a tarlang.
US a cham chhungin Singh hian US defence secretary Lloyd Austin a hmu dawn a, ani bakah US National Security Advisor Jake Sullivan a hmu bawk ang.
Singh chuan US defence industry te nen high-level roundtable meeting a kaihruai dawn bawk a, hei hi defence lama thawh dun zelna tur lam thil a ni a. Hei bakah hian Indian community te nena inkawmhona an nei dawn bawk tiin thuchhuah chuan a tarlang bawk.
Armed drones, jet engines
31 MQ-9B High Altitude Long Endurance (HALE) Unmanned Aerial Vehicles (UAV), General Atomics te siam leh LCA-Mk2 tana GE F414 engine te multi-billion dollar tel inhnamhnawihna chu chinfel theih beisei a ni bawk a.
July thla khan Singh kaihhruai Defence Acquisition Council (DAC) chuan MQ-9B kaihhnawihah amendment siamin, 31 MQ-9B UAVs, Indian Nabvy te tana 15 Sea Guardians leh 16 Sky Guardians te bakah Indian Amry leh Air Force te tana pariat ve ve chawkluhna turin $3.99 billion remtihna pek a ni a.
GE leh HAL tena jet engine deal an siam pawh advanced stage-ah awm tawhin tihfel ngai la awm te tihfel a nih hnuah inpektawn mai theih tur a ni tawh a. Cabinet Committee on Security tena an pawmfel tawh a ni bawk.
Mahse, F4040 engine pek tihkhawtlai zelah HAL te chuan IAF te hnena Mk1A an pek turah engine hman tawh vuah maia pek an tum hial tawh tia sawi a ni a, hemi chungchang hi Singh chuan US a tlawhnaah hian thupui ber pakhatah a nei dawn tia sawi a ni.
Heng bakah hian Stryker infantry combat vehicles, Army tena enchhinna an neih mek tawh leh vehicle variant hrang hrang za chuang te chu US atanga chawkluh a nih theih nan Singh chuan hma a la dawn tih a ni bawk.
India hian kuminah Australia, Japan leh US te nen Malabar naval exercise chu October thlaah Vishakapatnam ah a thleng dawn bawk a ni.