ZPM-in Sports minister chhuang

Khawvel hmuha Mizo thalaite phochhuah kawnga hma a lak meknaah leh ram mipui enrawn ni mek Miozram-in Sports & Youth Services minister a nei a ni tih ZPM party chuan sawiin, chhuanawm an tih thu an sawi.
ZPM Gen. Hqrs. thuchhuak chuan, Physical Education Foundation of India (PEFI) leh Sport India Foundation bultuma New Delhi-a Sport India Conference 2024 buatsaihah Mizoram Sports & Youth Services minister Pu Lalnghinglova Hmar chu khualzahawm niin, Mizoram sawrkar hnuaia Sports & Youth Services hmachhawp leh hmalakna a sawi bakah Mizo thalai talent nei tha tak tak zawng chhuak a, khawvel hmuha Mizo thalaite pho chhuah kawnga hma latu Sports minister Mizoram-in a nei chu vanneihthlak an ti hle tih a sawi a. Mizoramah hockey chawinung leh tura hma lak mek a nih thu-te, a bikin mipa lamah tan la a, sawrkarin theihtawp a chhuah tur thu a sawi pawh thlamuanthlak an tih thu a sawi bawk.
‘Pu Lalnghinglova Hmar hi Sport India Conference buatsaihtute ngen angin panel discussion-ah a tel zui a, India ram pum huap pawha infiamna kawnga mi tam takin an en rawn leh hnamdang pawhin a thu leh hla ngaihthlak an châk Sports minister kan nei hi chhuanawm kan ti hle a ni,’ a ti.