Hyundai Venue E+ India-ah

Hyundai Motor India cuan an Venue compact SUV chu a chithar E+ an tlangzarh a, a base model E leh S inkara awm niin, Venue E+ hian electric sunroof neiin, Venue sunroof neiah chuan a man tlawm ber a ni a, showroom-ah Rs 8,23,000 man niin, a base E aiin Rs 29,000 velin a to zawk.
Venue E+ hian a base model E neih ang zawng zawng a nei vek a, chung zingah chuan digital cluster leh color TFT multi-information display (MID), 2-step rear seat backrest recline te pawh a tel a, a chuangte himna atan airbag paruk, Day & Night IRVM, a seat zawng zawng tan 3 point seatbelt, Electronic Stability Control (ESC), Hill-Hold Assist Control te pawh a nei tel bawk.
A mechanical-ah tihdanglam a awm lo va, 1.2-litre Kappa petrol engine neiin, 82 bhp leh 113.8 Nm torque pechhuak thei a ni a, 5-speed manual transmission a nei bawk. Venue-ah ian engine chi dang 1.0-litre turbo-petrol leh 1.5-litre diesel te awmin, six-speed manual transmission a ni a, 1.0-litre turbo-petrol hi dual-clutch automatic transmission a awm bawk.