Taylor Swift-i’n 2024 MTV VMA Award 7 dawngin Beyonce record a nihrual

Taylor Swift-i’n 2024 MTV VMA Award 7 dawngin Beyonce record a nihrual
An rama Nilaini zan, keini tana Ningani tuk khan 2024 MTV Video Music Awards chu UBS Arena, New York-ah an sem ta a, Taylor Swift-i’n award pasarih dawngin, a dawng hnem ber. Swift hian MTV VMA 30 a dawng tling ta chiah a, MTV VMA dawng hnem ber Beyonce record a nih rual ta chiah a ni. Beyonce hian ama pualin award 26 dawngin, pahnih chu The Carters angin a dawng a, a dang pahnih Destiny’s Child angin a dawng bawk.
Kumin VMA-ah hian Taylor Swift award dawn panga hi ‘Fortnight’ hlaa a thawhpui Post Malone nena an dawn dun a ni a, hei vang hian Malone hi kumin VMA-a award dawng hnem ber dawttu a ni ve nghal a, Eminem, Megan Thee Stallion leh Katy Perry ten award pahnih heuh an dawng bawk.
‘Fortnight’ hian video of the year a dawng a, Taylor Swift hian tun kum thum chhung chu a zawnin he award hi a dawng ta a, he category-a award um nga a dawnna a ni ta bawk. MTV VMA-a award ngaihhlut Video of the Year hi Swift hian- “Bad Blood” (2015), “You Need to Calm Down” (2019), “All Too Well: The Short Film” (2022) leh “Anti-Hero” (2023) te a lo dawng tawh a, he category-a award dawng ngun ber niin, um thum dawng zawn thei hmasa ber a ni bawk.
‘Fortnight’ video hi Swift direct niin, best direction a dawng tel a, tun kum nga chhungin he category-ah hian award vawi li a dawng tling tawh bawk. Artist of the Year pawh Swift hian kum hnih a dawng zawn ta a, he category-a award um hnih dawng thei hmasa ber a ni bawk.
Eminem, Megan Thee Stallion leh Katy Perry ten award pahnih heuh an dawng a, Eminem hian VMA 15 a dawng tling ta chiah a, mipa artist zinga he award dawng hnem ber a ni ta. A hma chuan he record hi Eminem leh Pater Gabriel ten award 13 dawngin an inawm a, tunah chuan Eminem hian Peter Gabriel kalsanin, amahin record a siam ta a ni.
Katy Perry-i’n Video Vanguard Award a dawng a, hei bakah hian VMA performance awm tawh zinga boruak nei berah 2013-a VMA stage-a ‘Roar’ a perform chu thlangin award a dawng bawk.
Kumin VMA-ah hian hmeichhe lam an langsar zawk a, category ngaihven hlawh zualah pawh hmeiche zaithiam deuh vekin award an dawng a, tun kum sarih chhung chu MTV VMA-a hian best new artist pawh hmeichhe zaithiamin an dawng tawh a, video for good pawh hmeichhe lamin kum ruk chhung a zawnin an dawng tawh a, song of the year pawh hmeichhe zaithiamin a zawna kum nga an dawnna a ni ta a, best Latin pawh hmeichhe lamin a zawna kum li an dawnna niin, video vanguard award pawh 2015-a Kanye West hnuah chuan hmeichhe zaithiam hlirin an la dawng char char bawk.
K-pop huhang pawh a la dai lo tih a lanchianna pakhat chu K-pop group Seventeen-in best group video an dawng a, he all-genre category-ah hian K-pop group-in kum ruk chhung a zawnin award an dawng tawh a, nikum khan BLACKPINK-in dawngin, BTS-in a hmalam kum li chhung zawng an dawng tawh b

2024 MTV Video Music Awards dawngtute chu:
Video of the year : Taylor Swift feat. Post Malone – “Fortnight”
Artist of the year : Taylor Swift
Song of the year : Sabrina Carpenter – “Espresso”
Best new artist : Chappell Roan
Best collaboration : Taylor Swift feat. Post Malone – “Fortnight”
Best pop : Taylor Swift
Best hip-hop : Eminem – “Houdini”
Best R&B : SZA – “Snooze”
Best alternative : Benson Boone – “Beautiful Things”
Best rock : Lenny Kravitz – “Human”
Best Latin : Anitta – “Mil Veces”
Best Afrobeats : Tyla – “Water”
Best K-pop : LISA – “Rockstar”
Video for good : Billie Eilish – “What Was I Made For (From Barbie)”
MTV push performance of the year
August 2023: Kaliii – “Area Codes”
September 2023: GloRilla – “Lick or Sum”
October 2023: Benson Boone – “In The Stars”
November 2023: Coco Jones – “ICU”
December 2023: Victoria Monét – “On My Mama”
January 2024: Jessie Murph – “Wild Ones”
February 2024: Teddy Swims – “Lose Control”
March 2024: Chappell Roan – “Red Wine Supernova”
April 2024: Flyana Boss – “yeaaa”
May 2024: Laufey – “Goddess”
June 2024: LE SSERAFIM – “EASY”
July 2024: The Warning – “Automatic Sun”
VMAs Most Iconic Performance : Katy Perry – “Roar” (2013)
Best Trending Video: Megan Thee Stallion feat. Yuki Chiba – “Mamushi”
Best Group: SEVENTEEN
Song of Summer : Taylor Swift feat. Post Malone – “Fortnight”
Technical awards
Best direction : Taylor Swift feat. Post Malone – “Fortnight”
Best cinematography : Ariana Grande – “we can’t be friends (wait for your love)”
Best editing : Taylor Swift feat. Post Malone – “Fortnight”
Best choreography : Dua Lipa – “Houdini”
Best visual effects : Eminem – “Houdini”
Best art direction : Megan Thee Stallion – “BOA”