Portugal ramkang puihna turin EU in kangthelh thlawhna tir dawn
EU chuan Portugal ramkang thelhna turin thlawhna, kangthelhna tur pariat tirh a remti a, Portugal hian ramkang tuar nasa hle in, kangthelhna 12 chuang hmantlak lohin a awm tawh a ni.
Kartawp khan Aveiro region chu kangmei hian luhchilh tawhin, thuneitute chuan an khawpui Lisbon leh Porto pawh lirtheia kalpawh a harsa chho tan hle niin an sawi.
EU Commission president Ursula von der Leyen chuan “hmanhmawh theihtawpa chet hun a ni” tia sawiin, EU ram zinga mi France, Greece, Italy leh Spain te chu kangthelhna tura thlawhna tir thuai turin a hriattir a, member ramdangte pawh che thuai thei tura lo inring turin a hriattir bawk.
Portuguese official te chuan mi 1500 chuangin thawhtannni atang khan beihpui thawha ramkang thelh tura chet an lak belh thu tarlangin, an ramin a neihsa tui bombers 30 chuang an neih thu sawiin, chet an lak chhoh mek thu an sawi bawk.
Ramkang an tuar nasat avang hian Portugal ram temperature pawh a san phah hle a, 30OC a kaichho deuh reng niin tarlan a ni.
Hetiang an tawrh mek lai hian Albergaria-a-Velha Mayor, Antonio Loureiro chuan in pali an kanchhiat tawh thu sawiin, kangmei vang hian 20 chuang an huam chhungah luah tlak loh a awm chhoh thu a lo sawi thar ve mek bawk.
Portugal ramkang puihna turin EU in kangthelh thlawhna tir dawn
Get real time updates directly on you device, subscribe now.
Prev Post