Ram pathumin an sipaite tan passport inang hmang dawn ta

Africa khawthlang lam ram pathumte chuan sipai lama thawhhona tha zawk an neih theih nan passport inang an hmang dawn ta a, he biometric hi kalpui tanin, ‘hun thar duhawm tak a ni’ an ti.
Mali, Burkina Faso leh Niger ramte chuan he thuchhuah siamin, anni pathum tan chuan sipai lama thawhho zelna kawngah pawh awlsam zawkna a thlen ngei an ring a, an sipaite chuan awlsam zawka chet lak an theih phah ngei tur thu an sawi bawk.
Malian junta leader Col Assimi Goita chuan, “Hun thar duhawm a ni, he kan thawhhona leh hmasawnna thar tur hian kan inkalpawhna kawngahte, kan huamchhung theuha kan inpuihtawnna turah te hmasawnna min thlen ngei ang,” a ti.