Buhfai tha lo semah sorkar puh

Congress party thalai MPYCC te’n buhfai tha lo semah sorkar an puh a, chief minister-in a lo en atan chief minister office-ah buhfai hi an dah. A duh apiangte en theih turin Congress |halai office-ah buhfai hi an dah bawk.
Congress |halaite hian Ningani khan Zuangtui godown-a buhfai dahna an tlawh a, buhfai hi Grade A leh Grade C tihchian a ni lo an ti.
“Ration Buhfai chhia ei ngaihna kan hre lo, vawk pul hri avangin vawk chaw atana hman theih a ni lo a, lei tha atan te an hmang mai mai a. Hetih lai hian ZPM sorkar chuan ration buhfai kg 1-ah cheng 30-in (100%) October thla atanga a tihsan tur chu Mizoram mipui an lungngai tak zet a, kan sorkar hrawn mek hian mi retheite lu chunga vaivut takngial pawh an ît a, pachhiate an ruksak mek a ni,” an president chuan a ti.
“Central sorkar atanga buhfai a thlawna kan dawn bak hi a supply-tu tur Mizoram sorkar chuan tender chhuahin a thlang thin. Mizoram hian thla 1-ah buhfai quintal 59,478 a thlawnin sorkar laipui atangin kan dawng thin a, hemi baka kan mamawh nia supply minister-in a sawi chu quintal 37,522 a ni,” tiin thuchhuah an siam.
“ZPM sorkarah buhfai supply hna chhangtu pariat awmin, RL Store, Kulikawn Aizawl chuan chhang hniam berin, buhfai quintal 1-ah Rs. 3,400.50-in an supply thei a. Buhfai supply tur thlanna (Limited Tender)-ah a chhang hniam ber pek ni lovin an duhsak zawng te hnenah Rs. 3,550/- in supply tir an ni a, a supply-tu turte hian mi dang supply tir lehchhawn nia hriat a ni a, hetah hian thil dik lo tam tak Congress |halai chuan a awmin a hria a. Chuvang chuan mipui hnena thil nihna dik tak puang chhuak turin ZPM sorkar hi Congress Thalai chuan a phut tlat a ni,” a ti bawk.
“Hetianga uchuak taka induhsakna hleihluak tak avang hian kum khatah Mizoramin Rs. 67,314,468.00 a chawi thlawn dawn a, mi tlemte hlawkna Mizoram mipuiin an tuar chho zel tur hi Congress |halai chuan vanduaithlak a ti tak zet a ni,” an ti bawk.