MLA-in Upate Ni hmanpui
Mizoram Upa Pawl Bilkhawthlir Area buatsaihin Thawhlehni khan Upate Ni vawi 34-na chu Bilkhawthlirah hman a ni a. Serlui bialtu MLA Lalrinsanga Ralte chuan hmanpuiin, Bilkhawthlir MUP building chung siamthatna tur sumfai a hlan.
Upate chu hnam rohlu an ni, tih Lalrinsanga Ralte hian sawiin, “Hnam ropui apiangin upate an zahin an ngaihlu,” a ti. Bial chhung hmasawnna tura hma a laknaah pawh an tawnhriat hmanga amah chu finchhuah a, thurawn pe thin turin MUP member-te a chah a. MUP chu upate engthawl taka an inkawmkhawm theihna, pawl awhawm tak a ni tiin, Mizo tlawmngaihna, aia upa zah thiam, tanpui ngaite tanpui leh Zonun zemawi chawinun zel theihna atan upate an pawimawh takzet tih a sawi bawk