Lerh ve zuai duh tana tih loh tur

Sap hoin ‘flirt’ an tih hi kan tawng chuan ‘lerh zuai’ ti mai ila. Flirting chu ‘art’ a ni e, an ti a, a thiam leh zei bik riau te pawh an awm. Chutiang hunah chuan tihsual kan nei fo thin, hotê emaw kan tih pawh kan ‘game’ tichhe vek theih a ni tlat mai. Tun tumah hian ‘flirt’ laia tih loh atana tha ni a an sawite kan rawn tarlang e.
1. Flirting chu party-naah emaw, eng emaw tihpui nikhua velah a thleng duh khawp mai. Chutiang hunah chuan a huaisen tawk a han peg hlak pawh a awm thei, mahse, a chintawk hriat a tha khawp mai. Rui chunga flirt chu a fuh lo duh fû.
2. Tih lutuk a hlauhawm. Vawikhat inhmuhna te a nih phei chuan in tawng pawng fak chiam emaw te kha a fuh lo thei. Chhungkaw din tura i inpeih tawh thu te thleng thlengin i sawi nghal mai zawngin a fuh lo vang. Hmanhmawh lo la, ti phut phut suh.
3. Eng emaw sawi paha a kut han vawn zauh emaw te chu a pawi lo thei, mahse, a engamah hmaa inkawm zeuh zeuh emaw, inkuah deuh thuak thuak mai te a fuh lo ang.
4. Midang melh lawr vak suh. Mi pakhatah insawr bing la, awm khawm reng laia midang lakah i flirt ve tho bawk si a nih chuan an inhre tawn nghal thuai dawn a, i kâwt lel mai ang.
5. Insawi khawngaihthlak duh lem suh. |henkhat chuan an ngaizawng te nena an inthen thu te sawi an ching thin a, an nuna harsatna an tawh hrang hrang te sawi an ching bawk thin. I flirt pui chu i thian pawh a ni lo a, in inhre ve chauh a, i harsatna chungchang ringawt kha a tuipui dawn miah lo.