ZPM party office atan Assam Rifles biak in laksak tum anga sawi chu intih hmingchhiat tumna a ni tih chu an hmuh dan a ni tih ZPM Val Upa Council chuan sawiin, thudik lo thehdarhtute dan anga an chunga hma lak tumna chu an thlawp tih an sawi.
ZPM Val Upa Council (VUC) thuchhuak chuan, tunlaia thuthang darh vak, “ZPM sawrkarin an party office hmun atan Assam Rifles biak in hmun lak an tum” tih chungchangah October 8 khan MLA Lalmuanpuia Punte chu VUC-in a kawm a. He thu darh chhuah dan leh a sawi chhuaktuten tan chhan atana an hmante Lalmuanpuia hian a report a. A thusawi hi thudik, pawm tlak leh fiah dawl tak niin an hria tih a sawi.
‘A ni (Lalmuanpuia Punte) hi party office hmun zawng tura ruat zingah pawh a tel lo a. Chuvangin ama thu thua Assam Rifles biak in hmun laksak tum anga sawi hi thil awm ang lo lutuk, mimal hming tihchhiat tumna niah kan ngai a, pawi kan ti hle. Hetianga mimal hming tihchhiat tuma thudik lo thehdarhtute dan ang taka an chunga action lak a nih theihna tura a titute chhuichhuah a tum hi VUC chuan a thlawp a ni,’ a ti.
VUC-in pawi an ti
Get real time updates directly on you device, subscribe now.