UP ah truck in mi pathum chilhlum
Uttar Pradesh a Baghpat bul lawk, Eastern Peripheral Expressway ah pathianni zing lam khan truck pakhat chuan kawngsir a lo awm mi 4 su in, a hmunah pathum an boral nghal a, pakhatin hliam na tak a tuar bawk.
Police te chuan he truck khalhtu hian ruih a nei niin an hria a, a driver hi an man nghal bakah, a chanchin an chhuizui nghal thu an sawi.
Heng nunna chante hi Hapur district-a Dehra khuaa mite an ni a, hnathawka inhlawhfa leh leirawhchan thiara thawk kual thin an nih thu an sawi a ni.
Thuneitute chuan mitthite hi post-mortem tih nghal vek an nih thu sawiin, an chhungte zawng zawng an tawrhpui tak zet thu an sawi a, hnuchhui hna rang taka an thawh nghal tur thu leh dan hmanga thiltisualtu an hrem thuai tur thu an sawi bawk. Tin, hliam tuar pakhat pawh a dinhmun a that zel an beisei thu sawiin, damdawiinah enkawlna tha tak pek mek a ni, an ti bawk.
UP ah truck in mi pathum chilhlum
Get real time updates directly on you device, subscribe now.
Prev Post
Next Post