Thlipui leh ruahsur vangin Brazil-ah mi pariatin nunna chan tawh

Thlipui leh ruahsur vangin Brazil-ah mi pariatin nunna chan tawh
Zirtawpni liam ta atanga ruahtui leh thlipui thawk vangin Brazil-ah chuan mi pariatin nunna an chan tawh a, chenna in leh lo luahzui ngam loh tam tak a awm bawk.
National Institute of Meteorology sawi danin thli hi 100km/h chuang a chakte a ni a, a thawk na hle niin an sawi bakah, ruahtui pawh hian a tam lam chhinchhiahna zel a kawk a ni.
Sao Paulo-ah nunna chan hi pasarih an awm mek a, ruahsur leh thlipui tleh vanga chhiatna thleng mekah nunna chan tam berna niin, tui thianghlim in tur a vang chho hle bawk niin state thuneitute chuan an sawi.
Brazil ram hian sik leh sa inthlak an tuar nasa hle a, tuna ruahtui leh thlipui an tawrh mek pawh hian chhiatna a thlen belh zel an rin bakah, Amazon ramngaw chereu vanga nasa niin mithiamte chuan an ngai a, July thlaa Amazon ramngaw kang vak kha a bulthum ni theiin an ngai bawk a ni.